{18. April, 2008}   Ikkje alle likar rosa…

…men det kan få dei i godt humør.

Det var tysdag kveld det, eg bestemte meg for at neste dag, då skulle eg vera rosa. Så eg måtte jo forbereda meg litt, med å lakka neglene i ein passande farge eller to. Det gjorde eg. Og så gjekk eg og la meg.

Onsdagen kom, og eg slengde på meg ein lys, rosa genser. Augeskuggen, den var sjølvsagt rosa, og litt lett rosa leppestift høyrde med, òg. Neglene, dei var sjølvsagt knall rosa, med ei tynn stripe i mørkare rosa som gjekk diagonalt over dei. Ikkje så mykje arbeid, men det vert så mykje betre og litt ekstra med neglene på den måten. Og så var det på jobb, då.

Me er i eit lite kontorfellesskap, og då ein kvinneleg kollega kom på jobb og såg meg, så bobla det over med ein trillande latter. Kven var det som gjekk i rosa slik, lurte ho. Vel, eg foreslo jo meg, og damer eg. Min mannlege kollega i starten av 40-åra foreslo faktisk òg 42 år gamle menn. Ingen protestar kom på det. Trur ikkje ein gong ho prøvde å protestere, men ho var i alle fall i godt humør resten av dagen.

Akkurat det var noko ho faktisk trengte òg, den dagen, fortalde ho meg seinare. Hå hadde fått litt dårleg nytt, og noko kjedeleg som måtte gjerast. Kjedeleg, i tydinga «mindre hyggeleg». Då var det godt at det finst slike som meg, som kan spreia litt glede i kvardagen, på ein god måte.

Vel, kva kan eg seia? Mission accomplished!

Ååå Hadde likt å sjå deg.

Hadde forresten på meg eit rosa sjal òg. Litt mørkare rosa, og med fleire små pompongar på endane. Det burde eg ha hugsa å nemna, for det var visst ekstra gøyalt. Det med pompongane, altså.

Men om eg kjem til å visa meg med det første, sånn at du får sjå…

Hmmm…

RSS feed for kommentarar til dette innlegget. - TrackBack URI