Hamskifte

Av og til er det godt å skifta ham

Torturinstrumentet

Hårlause leggarEg hadde sjølvsagt høyrt historiane, om lang, smertefull tortur. Kvinnene som orka fortelja om opplevingane sine (for det var alltid kvinner som var offer) pakka ikkje hendingane inn i bomull, men fortalde om smertene i detalj. Eg kunne uttrykka min sympati, men tanken om at det same kunne henda meg sveiv meg ikkje. Likevel, no var eg i nett same situasjon. Naturleg nok var eg ekstremt uroleg då torturinstrumentet – velkjent frå overleveringar – sakt men sikkert nærma seg den nakne huda mi. Uvillig til å lukka augene beit eg tenna saman og venta på kontakt…

Faktisk, så vart eg litt skuffa. Her hadde eg forberedt meg i lang tid, klargjort kjølebag og eit «nybyrjarhovud» til epilatoren – og alt eg kjende var nokre kitlande stikk då eg byrja å epilere leggen min. Kvar var smertene? OK, det var innsida av låret som skulle vera det verste, så då eg testa der, så kjente eg – litt kitlande stikk. Ingen smerte. Diverre, med det nybyrjarhovudet på epilatoren var det ikkje mykje framgang heller, så eg bytta resolutt over til dewt normale hovudet.

Og no snakkar me. Med det normale hovudet på plass, så kjende eg – litt kitlande stikk. Kvar var smertene? Terroren? Men i det minste så gjekk epileringa raskare. Eg hadde ikkje planlagt å ta bikinilinja, men vekk gjekk den òg, i lag med armar og armholer. Og eg må innrømma, at då eg tok armholene så kjende eg det godt – då var det ikkje snakk om kitling lenger. Men eg fann no ein teknikk, og det gjekk raskt over. Så no sit eg her med ein hårlaus og glatt kropp, og ser fram til ikkje å måtta barbere meg igjen etter eit par dagar. Og utan å ha opplevd dette som tortur.

Berre sånn at eg kan få sova godt med reint samvet i natt, og ikkje vri meg rundt og bada i sveitte frå mareritt etter å ha lurt uskuldige menneske, så bør eg nemna at eg fortalde ei løgn over her: Eg er eigentleg ikkje skuffa over at eg ikkje følte smerte. Eg er snarare letta…

3 comments

3 Comments so far

  1. Becca September 20th, 2006 21:02

    *hmrf* Det gjør shitvondt!! Kanskje du har en bedre og mere snil modell enn den jeg hadde for 5-6 år siden? Hva slags har du da? (har litt lyst til å kjøpe igjen) men åssen synes du dette er i forhold til å vokse leggene feks?
    klem

  2. Monica September 21st, 2006 23:39

    Eg trur nok hårrøtene har meir å seia enn kva for ein epilator som blir brukt. Mine hårrøter er sikkert grunne dei, i forhold til enkelte andre – har ei venninne som ikkje kan epilere seg på grunn av det. Om ho ikkje har lyst å sjå litt blod, då…

    Voksing har eg ikkje prøvd, så eg kan ikkje seia noko om korleis det er.

    (Men elles er det ein Braun Silk épil eg har.)

  3. Hamskifte May 2nd, 2008 21:08

    […] – om det faktisk er så smertefullt, det stemmer kanskje ikkje alltid i realiteten. Det varierer i alle fall ikkje med kjønnet. submit_url = […]

Leave a reply

(Antispam - krav)