Hamskifte » Musikkvideo

Duett for éin

Monica — Sat, 07 May 2011 08:51:05 +0000

Eg har ikkje heilt avgått ved døden – og startar forsiktig med å dela litt musikk; eit opptak frå Thailand’s Got Talent.

Thailand’s Got WTF? – Watch more Funny Videos

Ta vare på YouTube-filmane

Monica — Fri, 16 May 2008 22:05:42 +0000

Det er i grunn masse artig å finna på YouTube, og av og til er det råd å finna filmar og slikt som er vel verd å ta vare på. Og det har jo lenge vore mulig å lasta ned flv-filene, og evt. konvertere dei etterpå, eller bruka tenester som t.d. vixy.net som konverterer til ulike format som du så kan lasta ned. Men, no når det er råd å få filene i betre kvalitet rett frå YouTube, kvifor ikkje utnytta det?

YouTube har jo lagt om eindel for å få betre kvalitet på filene, så i staden for å tukla med flv-filene, så er det råd å lasta ned videoane som mp4-filer. Og med litt hjelp, så er det svært enkelt. Denne sida fortel korleis du kan få eit lite bookmarklet i nettlesaren din (Opera, Safari, Firefox, IE) som automatisk genererer ei lenke til kvar du kan lasta ned videoar i mp4-format. Alt du treng gjera er altså å klikka denne bookmarkleten når du er på ei side med videoen du vil ha. Men, det er jo kjedeleg å måtta gjera det kvar gong òg. Særleg når det er råd å automatisere det. Heilt automagisk.

Har du Opera eller Firefox, så kan du installere eit lite userscript/greasemonkeyscript som legg til ei slik lenke for sidene etter kvart som du besøker dei. Alt som treng gjerast med dette scriptet installert er å høgreklikke og velge ‘lagre målet som’ (eller tilsvarande) og that’s it. Eg har jo måtta prøva det sjølv, og det fungerer som ein draum. Ein god draum.

Den første videoen eg prøvde dette på, var denne:

James – Laid

Monica — Sat, 29 Mar 2008 23:41:55 +0000

Det er ei god stund sidan eg har hatt ein musikkvideo her no, er det ikkje? Så, for å bøta på det, her er James: Laid.

Djengis khan

Monica — Sat, 01 Mar 2008 20:46:48 +0000

Dersom nokre måtte tru at eg har pikante opplysningar om Temudjin her, så må eg nok skuffa litt. Eg kom berre til å tenkja på han fordi eg har sansen for ein del av det japanske. Ingen direkte samanheng med denne mongolske fyrsten – khanen – men det var songen «Koi no dance site» med Morning Musume som fekk meg til å assosiere:

Rettnok oppfattar eg korkje «Temudjin» eller «djenghis khan» iteksten der (sjølv om det godt kan gå forbi meg) – innhaldet i songen er vel heller stikk motsett av kva han praktiserte – men om det ikkje ringer nokre bjeller, så kan me ta turen til Tyskland og Dschinghis khan:

(Please open the article to see the flash file or player.)

Når det er sagt: Er det nokre som veit om noko mongolsk musikk på nettet? No byrja eg lura på korleis det høyrest ut…

Ingen kommentar

Monica — Mon, 04 Feb 2008 22:59:47 +0000

Kort og godt fordi eg manglar ord. Andre er kanskje meir veltalande?
Alt eg kan seia er at eg ikkje greidde å la vera å sjå og høyra til det var ferdig…

(Please open the article to see the flash file or player.)

Kate Nash

Monica — Wed, 09 Jan 2008 16:42:14 +0000

Kate Nash er ei jente som enkelte kanskje har høyrt om. Ho spelar musikk. Har gitt ut CD òg, Made Of Bricks, og jo meir eg høyrer på ho, jo meir får eg sansen for ho. Rett nok har eg ikkje høyrt så mykje av ho når eg skriv dette, men men.

Eg for min del høyrde om Kate Nash først i går, og det var ikkje på grunn av musikken. Det var på grunn av andre ting ho likar. Ho har nemleg lyst til å skriva bøker for born, med Roald Dahl som førebilete, i følgje ein artikkel i Daily Record. Ho held på med ein historie no for tida. Han er for born, men temaet er kanskje ikkje heilt vanleg for ei barnebok. Kankskje ikkje så vanleg uansett målgruppe, for den del. Det er om ein 12 år gammal gut som møter ein 2.10 m høg transvestitt, Roy. Roy inviterer gutten med seg til ein stad kalla Terommet, der det er ei hemmeleg foreining. Konseptet der er at du blir det du måtte drøyma om.

Sånn grovt oppsummert. Kunne vore interessant å lesa den historien. når han vert ferdig.

I mellomtida, her er ein frisk melodi med ho, Merry Happy.

Dana International – Diva

Monica — Sun, 25 Nov 2007 01:47:38 +0000

No er det visst ei stund sidan eg har hatt ein musikkvideo her i bloggen. Det kjennest i alle fall slik ut for meg. Dette skuldst ikkje divanykker frå meg, men eg kan jo få presentere Diva likevel, i to versjonar.

Første versjonen av melodien Diva med Dana International er på morsmålet hennar, hebraisk, i klassisk utføring. Dvs, nokså likt slikt det vart framført i Melodi Grand Prix i si tid. Andre versjonen er ein dance-versjon.

Hebraisk:

Dance:

Diskofil – Da Johnny Ble’ til Conni

Monica — Sun, 14 Oct 2007 15:49:54 +0000

Tid for litt god, gammal disko her, med ny tekst til melodien Y.M.C.A.

Harisu – Liar

Monica — Sun, 30 Sep 2007 23:11:29 +0000

Me tek turen austover att, til Korea og artisten Harisu.

Hedwig and the Angry Inch – Angry Inch

Monica — Sat, 15 Sep 2007 16:38:00 +0000

Eg har tidlegare hatt «Wig In A Box» frå «Hedwig and the Angry Inch» her blant musikkvideoane, men om de lurar litt på denne sinte tommen så får de all informasjonen de treng her.

Sjølv trur eg eg må ta meg litt saman og sjå filmen no etter kvart…