{18. Desember, 2006}   Avhengig?

Det ligg kanskje ikkje til vår natur å innrømma det – korkje for oss sjølve eller andre – dersom me er blitt avhengige av kunstige stimuli. Likevel, eg for min del har byrja å lura litt no, om eg er litt avhengig eller ikkje. Om så er, så er det heldigvis ikkje av skadelege stoff for kroppen, som alkohol, tobakk eller slikt, men det litt mindre farlege «blad.» I fleirtal. Det kan jo vera skadeleg for økonomien.

Trykte blad og magasin, det har eg ein god del av etter kvart, og fleire blir det kvar månad. Foto, kunst, Photoshop, web, PC, teikneseriar og meir – det samlar seg opp. Eg greier kanskje ikkje å setja meg like godt inn i alt (forresten, stryk ordet «kanskje») men eg greier liksom ikkje heilt å slutta å kjøpa blada heller. Kanskje heller tvert om… No nyleg fann eg eit nytt blad i Narvesen, Advanced Photoshop. Eg har visst om det lenge, at det eksisterte, men eg har ikkje sett det her i landet før. Og, klart eg måtte kjøpa det!

Det fører jo til at eg kan ha litt ulest som ligg og ventar på meg, særleg når det gjeld noveller, men eg greier stort sett å koma meg gjennom alt i løpet av få dagar. Og magasina med noveller, dei er jo som bøker: Dei kastar eg i alle fall ikkje – dei skal nytast, gjerne fleire gongar.

Men – problemet¹ er jo at eg kjøper så masse av det. Og har problem med å stoppa. Er eg avhengig? Treng eg gå på avvenning? Slikt noko går jo trass alt ut over både økonomi og lagringsplass. Rett nok kan eg vera ganske kreativ når det gjeld det siste² men likevel… Om eg prøver å tenkja etter kva eg kjøper inn kvar månad, i generelle termar, så blir det:

• 1 stk PC-blad (abonnement)
• 2 stk (digital)fotoblad (abonnement)³
• 1 stk «kunst»-blad (abonnement)
• 2 stk webdesignblad (abonnement)
• 6 stk teikneseriar/manga
• 1.5 stk Fantasy/SF-blad (abonnement og laussalg - sistnemnde med kun 6 nr i året)

I tillegg så kjem det nokre andre blad eg av og til kjøper, når det er noko interessant. Det er det ofte. Eller som no sist, kanskje: Nye blad som truar med å bli innkjøpt på fast basis.

Huff – eg trur ikkje eg tør tenkja på kva eg legg ut på blad eg. Godt at abonnement gjerne er halve prisen av det Narvesen sel dei for. Men eg lurar altså litt: Er eg avhengig?

Wow, det var ikke lite blader du leste i mnd heller da.. Jeg synes at jeg tar av selv.. har Familien, Illustrert Vitenskap og nylig bestillte jeg Gjør det selv til mannen… Men nå har jeg ikke dårlig samvittighet lenger

Vil gjerne henvise til en episode av «Kaos-kontroll» på NRK. Løsningen var å kaste alle blader bortsett fra ett eller to som han kunne samle på. Og så redusere på samlingen. Er det gode artikler kan du heller plukke dem ut og samle dem i en egen perm. Blir dette for mye arbeid så har du kanskje også for mange blader.

(Ikke det at jeg klarer å leve etter disse prinsippene selv!)

K-k-kaste? Nei, nei. Det går ikkje – eg har nok av lagringsplass. Det er andre ting som må ryddast opp i og kastast før desse blada – fleire av dei nyttige frå parm til perm.

Det eg har for lite av er nok heller energien og tiltakslysta til å byrja rydde vekk det som er rot, og som kan/skal kastast…

RSS feed for kommentarar til dette innlegget. - TrackBack URI